Te wiki tua whā - e tere haere ana te wā

TAU KĒ!!!

Kei hea te wā? E whā ngā wiki kua pahure!
Pukumahi ngā tamariki me tō rātou hiakai ki te ako.
Kei te ako tātou i ngā āhuatanga o te akomanga, o te kura hoki, anō nei ngā mahi pānui, tuhituhi me te pāngarau.
Ko ō mātou uara te tūāpapa o tō tātou akomanga, arā, te aroha, whakapono me te tumanako.
I pā mai te koa me te hari i te rangi nei kia kite ai ngā tamariki e kaha ana ki te waiata i tā mātou wānanga kapa haka ki te taha o matua Richard.

Ka mau te wehi koutou mā!!

Where has the time gone? Week four, done and dusted!

The tamariki are working hard and are eager to learn.

We are learning the aspects of our classroom and also of the kura, along with our pānui, tuhituhi and pāngarau.

We used our values/uara as our foundation in our class which are aroha, whakapono and tumanako.

During kapa haka today we could feel the happiness and joy the tamariki portrayed while singing and haka with matua Richard.

Ānei rā ētahi whakaahua o ā rātou mahi rangatira

Mauri ora

Ko tā mātou haerenga ki te pāka o Tōtara.

Inanahi rā, arā te Rāmere te 12 o Huitānguru, i haere mātou katoa o te kura o Clendon Park ki te pāka o Tōtara. Tuatahi, i karanga ingoa, atu i tērā i tatari mātou mō te pahi. He rā tino wera nā ngā hīhī a Tamanui-te-ra. I tā mātou haerenga ki Tōtara e kaha ana ngā tamariki ki te waiata. Whai atu i tā mātou taenga ki Tōtara i whai wāhi pai i raro i ngā tōtara nui hei korowai kia kaua mātou e tīkākā. I kauhoe, i tākaro, i kai anō hoki mātou, nea rawa ake ko te wā hoki ki te kura.

E whai ake nei, ko ētahi o ngā whakaahua o tō mātou rā ki Tōtara.

  

 

      

Ko wai te kaiako?

Ko Tainui rāua ko Ngātokimatawhaurua ōku waka

Ko Ngā Puhi o te waka o Tainui rāua ko Pouerua ōku maunga
Ko Waimiha rāua ko Waitangi ōku awa e rere ana
Ko Te Ihingarangi rāua ko Ngāti Kawa ōku tupuna whare
He mokopuna tēnei o iwi o Ngāti Te Ihingarangi/Rereahu rāua ko Ngā Puhi nui tonu

Ko Hoani Rehu rātou ko Paiana Poppy Campbell, ko Rameka Yorke, ko Theresa Bristow ōku mātua tūpuna.
Ko Don Rehu rāua ko Christina Yorke ōku mātua.
Ko Anaru Perenara tōku hoa rangatira.
Ko Pechez, ko Hoani, Ko Tara ā māua tamariki.
Ko Camille Perenara tōku ingoa.
Nōku te hōnore ka tū au hei kaiako i te akomanga 23, nō reira tēnā koutou katoa.